Kenı SEGAL,
«Publiczone Transportation Ltd.» kompanııasynyń negizin qalaýshy jáne bas dırektory, Ierýsalımdegi «Hadas» kolledjiniń ónerkásiptik dızaın bóliminiń basshysy, professor (Izraıl):
– Men Qazaqstan Prezıdenti N.Nazarbaevtyń Qazaqstan halqyna arnaǵan bıylǵy Joldaýyn úlken qyzyǵýshylyqpen tanysyp shyqtym. Memleket basshysynyń álemde bolyp jatqan ózgeristerdi baıypty baǵalaı otyryp, tutas memleketti durys damý jolyna baǵyttap otyrǵanyn anyq ańǵardym.
Kólik ınfraqurylymyn damytý eldi saýda-sattyqqa qolaıly ári qoljetimdi etedi. Jańa tehnologııalardy engizý Qazaqstandy álemdegi jetekshi memleketterdiń qataryna qosady, al jergilikti ındýstrııany damytý halyqaralyq naryqta sapaly ári básekege qabiletti qazaqstandyq ónimniń mol bolýyna alyp keledi. Memleket tek joǵary tehnologııany tutynýshy ǵana emes, ony óndirýshige de aınalady. Mine, osy atalǵan baǵyttar boıynsha Qazaqstanda kóptegen sharalar júzege asyrylýda.
Men ózimdi Qazaqstannyń damýyna úlesimdi qosýǵa múmkindigi bar azamat retinde sanaımyn. Bul úshin óte qýanyshtymyn. «KIMA» kompanııasymen birge biz Astana qalasynda modýldi jyly aıaldamalar jobasyn júzege asyrýǵa tıispiz. Bul Prezıdent N.Nazarbaev atap kórsetken, kólik júıesin damytý, jergilikti óndiristi qalypqa keltirý, joǵary tehnologııalardy paıdalaný sııaqty el damýynyń birneshe baǵyttaryn júzege asyrýǵa múmkindik beredi. Atalǵan aıaldamalar adam aǵzasyna paıdaly ınfraqyzyl sáýlelerdi shyǵaratyn toqymalyq jylytqyshtardyń jáne «Smart Sity» júıesiniń kómegimen jylytylatyn bolady. Búgingi tańda biz «Astana» Áleýmettik-kásipkerlik korporasııasymen kelisimshartqa qol qoıdyq jáne qala ákimdigimen jasalatyn kelisimderdiń qalǵan tarmaqtary boıynsha kelissózderdi qysqa ýaqytta aıaqtap, osy jyly astanalyqtardyń qoǵamdyq kólikte júrý sharttaryn jaqsartýǵa múmkindik beretin jobany júzege asyrýǵa múddelimiz.
